გერმანული ენის მასწავლებელი

გერმანული ენის მასწავლებელი (რეპეტიტორი), რომელიც ენას ფლობს პროფესიონალურ და აკადემიურ დონეზე მნიშვნელოვნად განსხვავდება იმ ადამიანისგან, რომელმაც გერმანული უბრალოდ კარგად იცის. პროფესიონალ გერმანული ენის პედაგოგს აქვს სპეციალური პედაგოგიური განათლება, სწავლების გამოცდილება და მეთოდოლოგიური ცოდნა, რაც არ გააჩნია არაპროფესიონალ ენის მცოდნეს, თუნდაც ის ენას უმაღლეს დონეზე ფლობდეს.

პირველ რიგში, პროფესიონალი გერმანული ენის პედაგოგი სწავლების პროცესში ხელმძღვანელობს წინასწარ შედგენილი და პრაქტიკაში გამოცდილი სასწავლო პროგრამით. ამის შედეგად სწავლა არის სტრუქტურირებული, ლოგიკური და თანმიმდევრული. პროფესიონალმა რეპეტიტორმა ზუსტად იცის, რომელი მასალა უნდა ისწავლებოდეს პირველად და როგორ უნდა დააშენოს ახალი ცოდნა უკვე არსებულ ფუნდამენტზე. სტუდენტს თავიდანვე აქვს მკაფიო მოლოდინი, თუ რა თემებს გაივლის უახლოეს კვირებსა და თვეებში. ასეთი სტრუქტურა ხშირად არ არსებობს არაპროფესიონალ მასწავლებელთან, რის გამოც სწავლების პროცესი ხდება არათანმიმდევრული. შედეგად ეს აბნევს სტუდენტს და ზოგ შემთხვევაში სწავლის შეწყვეტის მიზეზიც ხდება.

მეორე მნიშვნელოვანი განსხვავება ეხება ახსნის უნარს. პროფესიონალ გერმანული ენის მასწავლებელს (პედაგოგს) აქვს მრავალწლიანი გამოცდილება და კარგად იცის თუ როგორ ახსნას რთული მასალა მარტივად და გასაგებად. მას შეუძლია სწავლების პროცესი მოარგოს სტუდენტის ენის ფლობის დონეს. როდესაც მასწავლებელი მკაფიოდ და მარტივად ხსნის ენის საფუძვლებს სტუდენტი მას უფრო სწრაფად იგებს, რაც ზრდის მოტივაციას და სწავლისადმი ინტერესს. არაპროფესიონალ მასწავლებელს კი მიუხედავად ენის ცოდნისა, ხშირად არ აქვს ცოდნის გადმოცემის მეთოდოლოგია. ეს კი სწავლების პროცესს ართულებს როგორც სტუდენტისთვის ისე მასწავლებლისთვის.

საბოლოოდ, პროფესიონალი გერმანული ენის მასწავლებელი (რეპეტიტორი) და საგანმანათლებლო ცენტრი იყენებს სისტემურ ტესტირებას. ტესტირება საშუალებას იძლევა შეფასდეს როგორც სტუდენტის პროგრესი ასევე სწავლების ეფექტურობა. ამ ტესტების შედეგები აჩვენებს, რამდენად სწორად მიმდინარეობს სწავლების პროცესი და სად არის საჭირო გაუმჯობესება. ასეთი კონტროლის მექანიზმები უზრუნველყოფს მუდმივ განვითარებას და სწავლების ხარისხის გაუმჯობესებას. არაპროფესიონალ მასწავლებელს როგორც წესი მსგავსი სისტემა არ გააჩნია, რაც ართულებს პროგრესის შეფასებას და კონტროლს.